Йирингли касалликларни келтириб чиқарувчи микробга қарши янги усул яратилмоқда
4 июль куни Тошкент вакцина ва зардоблар илмий-тадқиқот институтида 3-курс таянч докторанти Муродова Ижобатхон Абдулбоси қизи томонидан 03.00.04 – Микробиология ва вирусология ихтисослиги бўйича тайёрланган илмий диссертациянинг лабораториялараро муҳокамаси бўлиб ўтди.
Диссертация мавзуси:
“Staphylococcus aureus нинг метисиллинга чидамли маҳаллий штаммларининг фенотипик ва генетик хусусиятларини ўрганиш”
Тадқиқот антибиотикларга чидамли микроорганизмларни, хусусан йирингли касалликларни келтириб чиқарувчи Staphylococcus aureus бактериясининг маҳаллий штаммларини ўрганишга қаратилган. Унда ушбу бактериянинг фенотипик ҳолати, генетик профили ҳамда дори воситаларига бардошлилик даражаси аниқланган. Олинган натижалар ҳозирги ва келажакдаги клиник амалиёт учун катта илмий ва амалий аҳамият касб этади.
Муҳокамада институт раҳбарияти, лаборатория мудирлари, тажрибали мутахассислар, докторантлар ва ёш изланувчилар иштирок этиб, тадқиқот натижалари юзасидан илмий фикр ва амалий тавсиялар билдирдилар.
Тошкент вакцина ва зардоблар илмий-тадқиқот институти бу борадаги илмий изланишларни тизимли давом эттирган ҳолда, фундаментал тадқиқотлар орқали соғлиқни сақлаш соҳаси эҳтиёжларига жавоб берувчи долзарб илмий ечимларни ишлаб чиқишга хизмат қилмоқда.
Диссертация муҳокамаси институтда олиб борилаётган илмий изланишлар изчил ривожланаётганидан, ёш тадқиқотчиларга устозлик тизими самарали йўлга қўйилганидан далолатдир.
+99871 234 77 67