Kuni kecha, Rossiya Fanlar akademiyasi olimlari, professorlar va ilmiy tadqiqotchilar ishtirokida “Kelajak olimlari” xalqaro loyihasi doirasida ochiq ma’ruzalar bo‘lib o‘tdi.
👩🏻🔬 Mazkur tadbirda Toshkent vaksina va zardoblar ilmiy-tadqiqot instituti (ToshVZITI) xodimlari ham faol ishtirok etdi.
🗣️Ma’ruzalar davomida zamonaviy biotibbiyot tadqiqotlari, neyrofiziologiya, sun’iy intellektning ilm-fan sohasidagi qo‘llanilishi, shuningdek, texnologik taraqqiyotning inson va jamiyatga ta’siri kabi dolzarb mavzular muhokama qilindi.
📚 Ishtirokchilar inson miyasidagi tiklanish jarayonlari, genetik tadqiqotlarning yangi yo‘nalishlari, sun’iy intellekt yordamida tarixiy ma’lumotlarni qayta tiklash va biotexnologiyalar falsafiy jihatdan qanday baholanayotgani haqida qimmatli ma’lumotlar bilan tanishdi.
🏅 Tadbir yakunida ToshVZITI xodimlariga tashkilotchilar tomonidan sertifikatlar taqdim etildi.
🌐 Ushbu loyiha xalqaro ilmiy aloqalarni mustahkamlash, yangi g‘oyalar almashish va yosh mutaxassislar salohiyatini oshirishga keng imkon yaratadi.
+99871 234 77 67