FARMATSEVTIKA SOHASIDAGI MUAMMOLAR VA YECHIMLAR MUHOKAMA QILINDI

O‘simlik moddalari kimyosi institutida Prezidentimiz ishtirokida o‘tkazilishi rejalashtirilgan tadbirkorlar va olimlar uchrashuvi doirasida farmatsevtika sohasining dolzarb masalalari yuzasidan muhokamalar bo‘lib o‘tdi.

🔺Uchrashuvni O‘zbekiston Respublikasi Prezidenti Administratsiyasi vakillaridan biri olib bordi. Unda laboratoriya mudirlari, yetakchi olimlar hamda soha mutaxassislari eng muhim taklif va tashabbuslari bilan ishtirok etdilar.

🧪 Toshkent vaksina va zardoblar ilmiy-tadqiqot instituti (TOSHVZITI) tomonidan ham qator takliflar bildirildi. Shuningdek, xodimlarning takliflari tinglanib, umumlashtirildi.

📌Muhokamalar davomida quyidagi yo‘nalishlar ustuvor etib belgilandi:

✅ilmiy ishlanmalarni sanoat bosqichiga olib chiqish uchun maxsus grant va investitsiya mexanizmlarini joriy etish;
✅zamonaviy laboratoriya uskunalarini yangilash va yuqori aniqlikdagi texnologiyalar bilan ta’minlash;
✅klinik tadqiqotlarni tashkil etish jarayonlarini soddalashtirish va tezlashtirish;
✅GMP, GLP, GCP standartlariga mos infratuzilmani kengaytirish;
✅mahalliy xomashyodan import o‘rnini bosuvchi dori vositalarini ishlab chiqish;
✅yosh olimlarni qo‘llab-quvvatlash, ilmiy barqarorligini ta’minlash va malaka oshirish dasturlarini kuchaytirish;
✅ilmiy natijalarni tijoratlashtirish hamda eksport salohiyatini oshirish mexanizmlarini yaratish.

🔘Muhokamalar yakunida “ilm–ta’lim–sanoat” integratsiyasini kuchaytirish, moliyalashtirish mexanizmlarini takomillashtirish, klinik va texnologik jarayonlarni optimallashtirish hamda ilmiy natijalarni amaliyotga joriy etish bo‘yicha aniq takliflar ilgari surildi.

🧪 TOSHVZITI AXBOROT XIZMATI