VENGRIYA UNIVERSITETLARI BILAN ILMIY HAMKORLIK MASALALARI MUHOKAMA QILINDI

Bugun Farmatsevtika tarmog‘ini rivojlantirish agentligining Fan, ta’lim va innovatsiyalar bo‘limi, Toshkent vaksina va zardoblar ilmiy-tadqiqot instituti hamda Vengriyaning nufuzli oliy ta’lim muassasalari vakillari ishtirokida uchrashuv bo‘lib o‘tdi.

🔵Uchrashuv davomida ToshVZITI va Szeged universiteti o’rtasida hamkorlikni yanada mustahkamlash bo‘yicha muhim kelishuvlarga erishildi.

📌Muloqot jarayonida quyidagi masalalar muhokama qilindi:
✅farmatsevtika va biotexnologiya yo‘nalishlarida ilmiy hamkorlikni kengaytirish;
✅PhD dasturlari doirasida hamkorlikni yo‘lga qo‘yish;
✅yosh olimlar uchun ilmiy stajirovkalar hamda tajriba almashinuvi dasturlarini tashkil etish;
✅qo‘shma ilmiy tadqiqotlar olib borish va xalqaro ilmiy loyihalarni amalga oshirish.

🔘Mazkur uchrashuv ToshVZITI hamda Vengriyaning yetakchi universitetlari o‘rtasidagi ilmiy aloqalarni yanada mustahkamlash, yosh tadqiqotchilar uchun yangi imkoniyatlar yaratish hamda xalqaro hamkorlikni rivojlantirish yo‘lida muhim bosqich bo‘ldi.

🧪TOSHVZITI AXBOROT XIZMATI