Bugun Toshkent Vaksina va Zardoblar ilmiy-tadqiqot institutida xodimlar uchun tashkil etilgan ingliz tili bo‘yicha qo‘shimcha o‘quv mashg‘uloti bo‘lib o‘tdi.
🎓 Dars davomida ishtirokchilar ingliz tili fonetikasi, so‘z boyligini oshirish, kasbiy terminologiyani o‘zlashtirish, shuningdek, kundalik ish jarayonida qo‘llaniladigan muhim iboralar bilan tanishdilar. Mashg‘ulot davomida qisqa suhbatlar tuzish, savol-javob shaklida muloqot olib borish va ilmiy matnlarni tarjima qilish bo‘yicha amaliy topshiriqlar bajarildi.
💬 Darslar interaktiv metodlar asosida, jonli muloqot muhitida tashkil etildi. Institut xodimlari mashg‘ulotlarda faol ishtirok etib, o‘z bilim va amaliy ko‘nikmalarini mustahkamlashga erishdilar.
🎯 Mazkur o‘quv mashg‘ulotining asosiy maqsadi — institut xodimlarining xorijiy tillarni bilish darajasini oshirish, ularni ilmiy-texnik matnlar bilan ishlash, xalqaro hamkorlar bilan samarali muloqot yuritish hamda xalqaro anjumanlarda faol ishtirok etishga tayyorlashdan iboratdir.
💡 Bunday tashabbuslar ToshVZITI jamoasining kasbiy rivojlanishi, ilmiy salohiyatini oshirish hamda xalqaro miqyosdagi hamkorliklarda faol ishtirok etish imkoniyatlarini kengaytirishga xizmat qiladi.
+99871 234 77 67