MALAYZIYANING “GRANULAB” KOMPANIYASI BILAN ILMIY HAMKORLIK MUHOKAMA QILINDI
📆Bugun Farmatsevtika tarmog‘ini rivojlantirish agentligining Fan, ta’lim va innovatsiyalar bo‘limi hamda Toshkent vaksina va zardoblar ilmiy-tadqiqot instituti direktori Shavkatjon Azizov ishtirokida Malayziyaning nufuzli “Granulab” kompaniyasi vakillari bilan onlayn uchrashuv bo‘lib o‘tdi.
📌Granulab — Malayziyada faoliyat yurituvchi, Class D (yuqori xavfli) tibbiy buyumlar ishlab chiqaruvchisi, sun’iy suyak implantlari va biokompatibil tibbiy materiallar ishlab chiqarishga ixtisoslashgan kompaniya hisoblanadi.
🔬 Uchrashuv davomida:
✅ilmiy-tadqiqot yo‘nalishida qo‘shma loyihalarni amalga oshirish,
✅kadrlar tayyorlash va malaka oshirish,
✅olimlar o‘rtasida ilmiy tajriba almashish,
✅kelajakda mahalliy ilmiy ishlanmalarni rivojlantirish masalalari muhokama qilindi.
🎯 Yakuniy kelishuv va maqsadlar:
1️⃣ ilm-fan va ishlab chiqarish o‘rtasidagi hamkorlikni mustahkamlash;
2️⃣ yosh mutaxassislar uchun xalqaro tajribaga ega bo‘lish imkoniyatlarini yaratish;
3️⃣ tibbiy buyumlar sohasida innovatsion yondashuvlarni joriy etish;
4️⃣ uzoq muddatli strategik ilmiy hamkorlikni yo‘lga qo‘yish.
🌍 Mazkur uchrashuv O‘zbekiston ilm-fani va biofarmatsevtika sohasida xalqaro integratsiyani kengaytirish yo‘lidagi muhim bosqichlardan biri bo‘ldi.
+99871 234 77 67